Coetir Lloches Ddu, ger Aberystwyth

Ardal bicnic gysgodol a llwybr glan yr afon

Beth sydd yma

Mae’r safle hwn a’r rhan fwyaf o’r cyfleusterau ar gyfer ymwelwyr ar agor - ceir rhagor o fanylion ar y dudalen we hon.

 

Mae Llwybr Allt Fedw wedi cau gan fod y llwybr wedi ei rwystro gan goed wedi cwympo.

 

Diweddariad coronafeirws

 

Bydd Llywodraeth Cymru yn cyflwyno mesurau cenedlaethol o ddydd Llun 9 Tachwedd.

 

Maent yn berthnasol i bawb sy'n byw neu'n teithio yng Nghymru.

 

Mae ein safleoedd a mwyafrif ein cyfleusterau i ymwelwyr yn dal ar agor ond cynghorir pobl i osgoi teithiau nad ydynt yn hanfodol gymaint ag y bo modd.

 

Ymweld â'ch safle lleol yn ddiogel

 

Rydym wedi newid ychydig ar rai o’n llwybrau arferol er mwyn eich helpu i allu cadw at ymbellhau cymdeithasol - dilynwch arwyddion ar y safle.

 

Cofiwch wisgo mwgwd pan fyddwch yn mynd i mewn i un o’n hadeiladau.

 

Gallwch gofrestru drwy ap y GIG wrth fynd i mewn i un o'n hadeiladau – sganio'r cod QR ar boster Covid-19 y GIG ar y safle.

 

Croeso

Mae’r Lloches Du yn lleoliad tawel wrth ymyl Afon Ystwyth sy’n llifo trwy’r cwm serth hwn ar ei ffordd i Aberystwyth.

Daeth yr enw Saesneg, Black Covert, o’r gair ‘covert’ sef ardal lle magwyd ffesantod ar Ystâd Trawscoed.

Mae yna ardal bicnic o dan gysgod coed ynn, bedw a chastanwydd pêr mawr, a mainc bren hyfryd wrth ymyl y dŵr hollol glir.

Mae Llwybr Glan yr Afon yn llwybr byr drwy goetir ffawydd sydd wedi’i orchuddio â chlychau’r gog yn y gwanwyn.

Mae Llwybr Glan yr Afon yn llwybr haws, drwy goetir ffawydd sydd wedi’i orchuddio â chlychau’r gog yn y gwanwyn.

Llwybrau cerdded

Menyw ac afonMae gan y llwybrau cerdded i gyd arwyddbyst ac maen nhw’n cychwyn o’r faes parcio.

Llwybr Glan yr Afon

1½ milltir, 2.7 cilomedr, hawdd

Mae’r llwybr hwn yn cynnig taith gerdded ysgafn o’r man picnic ar hyd Afon Ystwyth.

Mae’n dychwelyd drwy goetir, sydd wedi’i lenwi ag arogl resin a charpedi o glychau’r gog yn y gwanwyn.

Llwybr Allt Fedw

2.2 filltir, 3.5 cilomedr, cymedrol

Mae Llwybr Allt Fedw yn mynd heibio i bwll llonydd wrth iddo arwain at y fryngaer 2,000 mlwydd oed, sef Allt Fedw.

Yma mae golygfan sydd â golygfeydd panoramig dros fryniau tonnog a dyffrynnoedd.

Mae llawer o ddringfeydd hir a disgyniadau serth ar hyd y llwybr hwn.

Cau a dargyfeirio

Sylwch:

  • Weithiau, rhaid inni gau neu ddargyfeirio llwybrau er eich diogelwch tra byddwn yn mynd i’r afael â gwaith cynnal a chadw neu weithrediadau coedwig
  • O dro i dro, efallai y bydd yn rhaid inni gau safle mewn tywydd eithafol, fel gwyntoedd cryfion neu eira a rhew, oherwydd y perygl posibl i ymwelwyr a staff
  • Cofiwch ddilyn unrhyw gyfarwyddiadau a welwch ar y safle, a gwnewch yn siŵr eich bod yn dilyn unrhyw arwyddion dargyfeirio dros dro sydd mewn grym

Sut i gyrraedd

Lleoliad

Mae coetir Lloches Ddu 9 milltir i’r de-ddwyrain o Aberystwyth.

Mae yn Sir Ceredigion.

Mae'r maes parcio am ddim.

Lawrlwythwch fap lleoliad.

Cyfarwyddiadau

Cymrwch y B4340 o Aberystwyth i Drawsgoed. Ar ôl Abermagwr, trowch i’r dde dros y bont (sydd ag arwydd yn dweud Llanilar B4575), ac yna trowch yn syth i’r chwith ac i’r chwith eto i mewn i’r maes parcio.

Trafnidiaeth gyhoeddus

Yr orsaf drên agosaf yw Aberystwyth.

Am fanylion trafnidiaeth gyhoeddus ewch i wefan Traveline Cymru.

Map Arolwg Ordnans

Mae coetir Lloches Ddu ar fap Arolwg Ordnans (AR) 213.

Cyfeirnod grid yr AO yw SN 667 729.

Manylion cyswllt

Ffôn: 0300 065 3000

E-bost: ymholiadau@cyfoethnaturiolcymru.gov.uk

Lawrlwythiadau

Lawrlwythiadau dogfennau cysylltiedig

Map lleoliad PDF [163.7 KB]

Mannau eraill yng Canolbarth Cymru