Llwybrau rhedeg yn ein coetiroedd

Mae ein llwybrau rhedeg yn cynnig cyfle i redeg ar lwybrau diogel sydd oddi ar y ffordd ac yn ddi-draffig mewn lleoliadau coedwig hardd.

Mae arwyddbyst ar y llwybrau er mwyn i chi allu teimlo’n hyderus wrth ddilyn y ffordd ac mae’r olygfa’n well o lawer nag ydyw yn y gampfa!

Cofiwch y bydd arnoch angen esgidiau a dillad sy’n addas ar gyfer yr amodau - mae rhai rhannau o’r llwybrau hirach yn dilyn llwybrau mwdlyd lle byddai’n gall gwisgo esgidiau rhedeg llwybrau priodol. 

Rhedeg yng Nghoedwig Niwbwrch, Ynys Môn

""

Mae dau lwybr rhedeg wedi cael eu harwyddo o brif faes parcio (Traeth yn Niwbwrch.

  • Mae’r Llwybr Rhedeg 5km (pellter: 3 milltir/5 cilomedr) yn seiliedig ar lwybr y Parkrun wythnosol poblogaidd.
  • Mae Llwybr Rhedeg y Gymanwlad (pellter: 8.5 milltir/13.6 cilomedr) yn dilyn rhan o lwybr ras swyddogol pencampwriaeth redeg a gynhaliwyd yma yn 2011.

Darganfod mwy am redeg yng Nghoedwig Niwbwrch

Rhedeg ym Mharc Coedwig Coed y Brenin, ger Dolgellau

""

Mae pimp llwybr ag arwyddbyst sy’n addas ar gyfer rhedwyr yn cychwyn o Ganolfan Ymwelwyr Coed y Brenin.

  • Maen nhw’n amrywio o ran hyd o ychydig filltiroedd i hanner marathon llawn, ac maen nhw wedi cael eu cynllunio ar gyfer dechreuwyr hyd at redwyr mwy profiadol.
  • Mae’r llwybrau’n cynnwys cyfuniad diddorol o ffyrdd coedwig a hawliau tramwy cyhoeddus anwastad heb eu tarmacio, sydd â gwreiddiau, mwd a chreigiau yma ac acw arnyn nhw. Mae yna elltydd serth hefyd, ar i fyny ac ar i lawr, ond mae yna ambell ddarn o ffordd sydd wedi’i tharmacio.

Darganfod mwy am redeg ym Mharc Coedwig Coed y Brenin.

Rhedeg ym Mwlch Nant yr Arian, ger Aberystwyth

""

Mae dau lwybr rhedeg sydd wedi’u nodi ag arwyddbyst yn cychwyn o faes parcio Canolfan Ymwelwyr Bwlch Nant yr Arian.

  • Mae un llwybr rhedeg yn bum cilometr o hyd ac mae’r llall yn 10 cilometr.
  • Mae’r ddau lwybr yn cynnwys rhannau gwastad, dringfeydd ac arwynebau amrywiol.

Darganfod mwy am redeg ym Mwlch Nant yr Arian.

Rheded yng Nghoetir Ysbryd Llynfi, ger Pen-y-bont ar Ogwr

""

Mae’r tri llwybr rhedeg byr ag arwyddbyst sydd yma yn gyflwyniad gwych i redeg llwybrau.

  • Maent ar gymysgedd o ffyrdd coedwig, arwynebau wedi’u tarmacio, a darn byr o ffordd un trac, gydag ambell i ddarn lle mae mwd a chreigiau.
  • Yn dibynnu ar lefel anhawster y llwybr, mae esgyniadau a disgyniadau serth a darnau pantiog.
  • Mae lefel resymol o ffitrwydd yn ofynnol ar gyfer y llwybrau oren a phorffor. Mae’r llwybr coch yn fwy addas ar gyfer rhedwyr profiadol a chanddynt lefel uwch o ffitrwydd. 

Darganfod mwy am redeg yng Coetir Ysbryd Llynfi

Codau Cefn Gwlad

Mae'r Codau Cefn Gwlad yn darparu cyngor i gynllunio ymweliad â'r awyr agored ac i helpu i'ch cadw chi a phobl eraill yn ddiogel.

Dysgwch fwy am y Codau Cefn Gwlad.

Cau a dargyfeiriadau llwybrau

Weithiau bydd angen i ni gau neu ddargyfeirio llwybrau er diogelwch i chi tra byddwn yn gwneud gwaith cynnal a chadw neu weithrediadau eraill.

Gwiriwch y dudalen am y coetir neu warchodfa ar y wefan hon am unrhyw newidiadau cyn i chi ymweld, yn enwedig os ydych am ddilyn llwybr penodol, a dilynwch unrhyw arwyddion dros dro a chyfarwyddiadau gan staff.

Diweddarwyd ddiwethaf