Cyfeiriannu

Croeso

Mae cyfeiriannu’n gamp llawn antur y gallwch ei mwynhau yn yr awyr agored. 

Byddwch yn cerdded neu’n rhedeg ac yn ceisio canfod eich ffordd o amgylch cwrs gan ddefnyddio map manwl a chwmpawd weithiau.

Y nod yw canfod eich ffordd o un pwynt rheoli i’r llall gan ddewis y llwybr gorau er mwyn cwblhau’r cwrs yn yr amser cyflymaf.

Does dim gwahaniaeth pa mor ffit ydych chi – gallwch redeg neu gerdded y cwrs ar eich cyflymder eich hun.

Ein cyrsiau cyfeiriannu

Mae yna gyrsiau cyfeiriannu penodol mewn pedair coedwig sy’n cael eu rheoli gan Cyfoeth Naturiol Cymru.

Canolfan Ymwelwyr Bwlch Nant yr Arian

Mae yna bedwar cwrs cyfeiriannu parhaol o Ganolfan Bwlch Nant Yr Arian, ger Aberystwyth.

Mae’r cyrsiau’n cychwyn ac yn gorffen ym maes parcio'r ganolfan ymwelwyr.

Edrychwch ar dudalen Canolfan Ymwelwyr Bwlch Nant Yy Arian i gael mwy o wybodaeth.

Canolfan Ymwelwyr Coed y Brenin

Mae pedwar cwrs cyfeiriannu parhaol ym Mharc Coedwig Coed y Brenin, ger Dolgellau.

Mae’r cyrsiau’n cychwyn ac yn gorffen ym maes parcio'r ganolfan ymwelwyr.

Edrychwch ar dudalen Canolfan Ymwelwyr Coed y Brenin  i gael mwy o wybodaeth.

Parc Coedwig Gwydir

Mae ein cwrs cyfeiriannu parhaol ym Mharc Coedwig Gwydir.

Mae'n dechrau yn agos at Fetws-y-coed ac yn gorffen yng nghanol y pentref.

Mwy o wybodaeth ynglŷn â chyfeiriannu ym Mharc Coedwig Gwydir

Coedwig Niwbwrch

Mae tri chwrs cyfeiriannu parhaol yng Nghoedwig Niwbwrch.

Maent yn cychwyn ac yn gorffen ger y prif faes parcio (Traeth)

Mwy o wybodaeth ynglŷn â chyfeiriannu yng Nghoedwig Niwbwrch

Cau a dargyfeiriadau llwybrau

Weithiau bydd angen i ni gau neu ddargyfeirio llwybrau er diogelwch i chi tra byddwn yn gwneud gwaith cynnal a chadw neu weithrediadau eraill.

Gwiriwch y dudalen am y coetir neu warchodfa ar y wefan hon am unrhyw newidiadau cyn i chi ymweld, yn enwedig os ydych am ddilyn llwybr penodol, a dilynwch unrhyw arwyddion dros dro a chyfarwyddiadau gan staff.

Caniatâd ar gyfer digwyddiadau

Efallai y bydd angen i chi wneud cais am ganiatâd cyn trefnu gweithgareddau ar y tir a reolir gan Cyfoeth Naturiol Cymru.

Dysgwch fwy am drefnu gweithgaredd neu ddigwyddiad.

Codau Cefn Gwlad

Mae'r Codau Cefn Gwlad yn darparu cyngor i gynllunio ymweliad â'r awyr agored ac i helpu i'ch cadw chi a phobl eraill yn ddiogel.

Dysgwch fwy am y Codau Cefn Gwlad.

British Orienteering

British Orienteering yw’r corff llywodraethu ar gyfer camp cyfeiriannu yn y Deyrnas Unedig. 

Ewch i wefan British Orienteering i gael mwy o wybodaeth am gyfeiriannu.