Coedwig Clocaenog - Boncyn Foel Bach, ger Rhuthun

Golygfan wych ag ardal bicnic a thaith gerdded fer mewn coetir

Beth sydd yma

Mae’r safle hwn a’r cyfleusterau ymwelwyr ar agor - rhagor o fanylion ar gael ar y we-dudalen hon.

 

Diweddariad coronafeirws

 

Mae Llywodraeth Cymru yn gweithredu cyfnod atal byr (‘toriad tân’) cenedlaethol o ran y coronafeirws o 6pm ddydd Gwener 23 Hydref tan ddydd Llun 9 Tachwedd.

 

Mae cyfyngiadau’r cyfnod atal byr yn cymryd lle’r cyfyngiadau lleol a oedd mewn grym mewn rhai rhannau o'r wlad. Maent yn berthnasol i bawb sy'n byw neu'n teithio yng Nghymru.

 

Mae ein safleoedd a mwyafrif ein cyfleusterau ymwelwyr yn dal ar agor yn ystod y cyfnod atal hwn, ond cynghorir pobl i aros gartref ac ymweld â safleoedd yn yr ardal leol yn unig i wneud ymarfer corff.

 

Ymweld â'ch safle lleol yn ddiogel

 

Rydym wedi newid ychydig ar rai o’n llwybrau arferol er mwyn eich helpu i allu cadw at ymbellhau cymdeithasol - dilynwch arwyddion ar y safle.

 

Mae angen ichi wisgo masg wrth fynd i mewn i un o'n hadeiladau.

 

Gallwch gofrestru drwy ap y GIG wrth fynd i mewn i un o'n hadeiladau – sganio'r cod QR ar boster Covid-19 y GIG ar y safle.

 

Croeso

Mae ardal bicnic Boncyn Foel Bach o amgylch y maes parcio ac mae golygfeydd i’r de a’r dwyrain dros y bryniau.

Y maes parcio yw man cychwyn llwybr cerdded byr yng Nghoedwig Clocaenog.

Yn yr hydref mae’r dail yn troi’n oren cyn creu carped lliwgar o dan eich traed – llawer o hwyl i blant wrth grensian drwyddynt!

Llwybr cerdded

Mae nodwyr ar y llwybr ac mae’n cychwyn o’r maes parcio.

Rhodfa’r Ffawydd

  • Gradd: Hawdd
  • Pellter: ½ milltir/0.8 cilomedr
  • Amser: 20 munud

Mae Cylchdaith Boncyn Foel Bach yn daith fer hamddenol drwy’r coetir a’i rhodfa drawiadol o goed ffawydd.

Mae rhodfa’r ffawydd yn drawiadol, yn enwedig ddechrau’r gwanwyn pan fydd y dail yn wyrdd llachar.

Mae hefyd golygfan â mainc – lle gwych am fflasg o goffi­ neu’ch pecyn bwyd!

Llwybr trwy'r rodfa o goed ffawydd

Cau a dargyfeirio

  • Weithiau, rhaid inni gau neu ddargyfeirio llwybrau er eich diogelwch tra byddwn yn mynd i’r afael â gwaith cynnal a chadw neu weithrediadau coedwig
  • O dro i dro, efallai y bydd yn rhaid inni gau safle mewn tywydd eithafol, fel gwyntoedd cryfion neu eira a rhew, oherwydd y perygl posibl i ymwelwyr a staff
  • Cofiwch ddilyn unrhyw gyfarwyddiadau a welwch ar y safle, a gwnewch yn siŵr eich bod yn dilyn unrhyw arwyddion dargyfeirio dros dro sydd mewn grym

Sut i gyrraedd

Lleoliad

Mae Boncyn Foel Bach 6 milltir i’r de-orllewin o Ruthun.

Mae yn Sir Ddinbych.

Mae parcio’n ddi-dâl.

© Hawlfraint y Goron a hawliau cronfa ddata 2020 Arolwg Ordnans 100019741

Cyfarwyddiadau

O Ruthun, ewch ar ffordd y B5105 drwy bentref Clawddnewydd.

Ewch yn eich blaen am 1½ filltir ac mae’r maes parcio ar y dde.

Map Arolwg Ordnans

Mae Boncyn Foel Bach ar fap Arolwg Ordnans (AR) 264.

Cyfeirnod grid Arolwg Ordnans y maes parcio yw SJ 055 520.

Trafnidiaeth gyhoeddus

Am mwy o wybodaeth am drafnidiaeth gyhoeddus ewch i wefan Traveline Cymru.

Manylion cyswllt

0300 065 3000

ymholiadau@cyfoethnaturiolcymru.gov.uk