Rhaglen Weithredu Genedlaethol ar Fawndiroedd

Mae’r Rhaglen Weithredu Genedlaethol ar Fawndiroedd yn gynllun pum mlynedd ar gyfer adfer mawndiroedd yng Nghymru.

Mae mawndiroedd yn cynnal amrywiaeth o gynefinoedd a rhywogaethau, ac mae ganddynt rôl bwysig mewn:

dal a storio carbon
rheoleiddio nwyon tŷ gwydr
cynnal bioamrywiaeth
rheoleiddio dŵr

Mae galw cynyddol wedi bod ar gyfer rhaglen genedlaethol i gydlynu’r gwaith adfer.

Gwaith adfer

Mae gan y Rhaglen Weithredu Genedlaethol ar Fawndiroedd chwe blaenoriaeth:

Erydiad mawndir
Draenio mawndir
Rheoli mawndiroedd yr ucheldir yn gynaliadwy
Rheoli mawndiroedd yr iseldir yn gynaliadwy
Adfer mawndiroedd wedi'u coedwigo
Adfer mawndiroedd sydd â'r allyriadau carbon uchaf yn raddol

Bydd y rhaglen yn targedu mawndiroedd sydd angen eu hadfer fwyaf ac mae’n bwriadu adfer 600 – 800 o hectar o dir cyhoeddus a phreifat bob blwyddyn. Fe wnaethom adfer dros 650 hectar ym mlwyddyn gyntaf y prosiect (2020-21).

Bydd y rhaglen hefyd yn diogelu mawndiroedd sydd mewn cyflwr da a chyflwr sy'n gwella.

Cyllid i adfer mawndiroedd

Mae gennym gyllid ar gyfer prosiectau adfer mawndiroedd.

Porth Data Mawndiroedd Cymru

Mae Porth Data Mawndiroedd Cymru yn dangos ymhle mae mawndiroedd a’r ardaloedd sydd angen eu hadfer. Mae’r mapiau rhyngweithiol yn cynnwys:

cynefinoedd sy'n cael eu cynnal gan fawn
amcangyfrifon o'r carbon sy'n cael ei storio mewn mawndiroedd yng Nghymru
amcangyfrifon o allyriadau nwyon tŷ gwydr

Byddwn yn diweddaru'r Porth wrth i fawndiroedd gael eu hadfer. Bydd hyn yn cynnwys yr effeithiau ar gyflwr mawndiroedd, bioamrywiaeth a lliniaru newid hinsawdd.

Agor y Porth

Dysgwch fwy am haenau Porth Data Mawndiroedd