Cynadleddau yng Nghanolfan Ymwelwyr Coed y Brenin

Croeso

Enillodd Coed y Brenin fri yn yr 1990au fel canolfan beicio mynydd bwrpasol gyntaf Prydain.

Ceir hefyd llwybrau cerdded a rhedeg trwy Barc Coed y Brenin.

Mae’r ystafelloedd cynadledda’n addas i amrywiaeth o gyfarfodydd busnes, digwyddiadau a gweithgareddau.

Gellir eu llogi hefyd ar gyfer digwyddiadau cymdeithasol neu at ddefnydd clybiau a chymdeithasau.

Ystafell gynadledda

Mae’r ystafell gynadledda’n dal hyd at 80 o bobl.

Gellir ei baratoi mewn sawl ffordd wahanol - ar gyfer cyfarfod, cynhadledd, gweithdy neu ddigwyddiad cymdeithasol. 

Sylwer:

• Ni allwn gymryd cyfrifoldeb am baratoi’r ystafell.
• Chi fydd yn gorfod paratoi’r ystafell, gan ei gosod fel y mynnwch. 
• Nid oes angen i chi newid yr ystafell ar ddiwedd eich sesiwn, fodd bynnag.

 

Arlwyo

Nodwch nad oes arlwyo ar gael ar hyn o bryd. 

Gall pobl ddod â’u bwyd a'u diodydd eu hunain - ond cofiwch fynd â’r holl sbwriel a gwastraff bwyd ar ddiwedd eich sesiwn.

Gweithgareddau ar gyfer cynrychiolwyr

Mae llwybrau cerdded, rhedeg a beicio mynydd yn cychwyn o faes parcio’r ganolfan ymwelwyr.

Gall y cynrychiolwyr ddysgu neu wella eu sgiliau beicio oddi ar y ffordd yn yr ardal sgiliau, neu efallai yr hoffech archebu hyfforddwr beicio mynydd.

Gallant ddod â’u beic eu hunain neu logi un yn y siop feiciau (archebu ymlaen llaw yn hanfodol).

• I gael mwy o wybodaeth am gyfleusterau ynwelwyr, ewch i Ganolfan Ymwelwyr Coed y Brenin.
• I archebu beic neu hyfforddwr, ewch i wefan Beics Brenin.

Gwybodaeth am hygyrchedd

Mae’r ystafell gynadledda’n hygyrch.

Mae rhai o’n llwybrau a’n gweithgareddau eraill yn hygyrch.

I gael mwy o wybodaeth am gyfleusterau ynwelwyr hygyrch ewch i Ganolfan Ymwelwyr Coed y Brenin.

Sut i archebu

Gallwch archebu'r ystafell gynadledda am ffi fflat o £150 (diwrnod llawn neu hanner diwrnod).

Gallwch lawrlwytho ffurflen archebu ar waelod y dudalen hon.

Cysylltwch ymholiadau@cyfoethnaturiolcymru.gov.uk neu 0300 065 3000.