Cyfres newydd o weminarau SoNaRR 2025 yn lansio ym mis Medi

Mae Cyfoeth Naturiol Cymru yn lansio cyfres newydd o weminarau yr hydref hwn i helpu partneriaid, rhanddeiliaid ac ymarferwyr i archwilio'r dystiolaeth a'r mewnwelediadau ymarferol o Adroddiad ar Sefyllfa Adnoddau Naturiol (SoNaRR) 2025.

Mae'r gyfres yn gyfle i ddeall yn well yr heriau sy'n wynebu amgylchedd naturiol Cymru a'r camau sydd eu hangen i ysgogi newid cadarnhaol.

Gan redeg rhwng mis Medi a mis Rhagfyr, bydd y sesiynau ar-lein rhad ac am ddim yn archwilio rhai o themâu allweddol yr adroddiad ac yn dangos sut y gall tystiolaeth lywio polisi, cynllunio, gwneud penderfyniadau a gweithredu ymarferol ledled Cymru.

Mae SoNaRR 2025 yn amlygu'r pwysau sylweddol sy'n wynebu amgylchedd naturiol Cymru a'r angen am weithredu ar draws y system gyfan i fynd i'r afael â'r argyfyngau natur, hinsawdd a llygredd. Mae'r adroddiad hefyd yn nodi llwybrau ymarferol ar gyfer newid mewn meysydd fel bwyd, ynni, teithio a'r amgylchedd adeiledig.

Bydd y gyfres o weminarau yn rhoi cyfle i glywed yn uniongyrchol gan arbenigwyr Cyfoeth Naturiol Cymru, gofyn cwestiynau, ac archwilio sut y gellir defnyddio'r dystiolaeth ddiweddaraf i gefnogi penderfyniadau a gweithredu yn eich maes gwaith eich hun.

Beth i'w ddisgwyl

Bydd pob gweminar yn canolbwyntio ar:

• Beth mae'r dystiolaeth yn ei ddweud wrthym
• Pam mae'n bwysig
• Beth sydd eisoes yn gweithio
• Y ffactorau sy'n sbarduno newid a'r cyfleoedd i weithredu
• Sut y gellir defnyddio'r dystiolaeth yn ymarferol

Bydd pob sesiwn yn cynnwys cyfle i ofyn cwestiynau drwy sesiwn Holi ac Ateb, a bydd recordiadau a deunyddiau ategol ar gael wedi'r digwyddiad. 

Rhaglen y gweminarau

Tystiolaeth yn sbarduno camau gweithredu dros foroedd Cymru

• Pwnc: Morol
• Dyddiad: 16 Meid
• Amser: 12pm 

Tystiolaeth yn sbarduno camau gweithredu dros afonydd Cymr

• Pwnc: Dŵr croyw a physgodfeydd
• Dyddiad: 14 Hydref
• Amser: 1:00pm 

Tystiolaeth yn sbarduno gweithredu dros dir Cymru

• Pwnc: Rheoli tir yn gynaliadwy a choetiroedd
• Dyddiad: 14 Tachwedd
• Amser: 2:00pm 

Tystiolaeth yn sbarduno gweithredu dros anifeiliaid a phlanhigion Cymru

• Pwnc: Bioamrywiaeth
• Dyddiad: 1 Tachwedd
• Amser: 11:00am 

Tystiolaeth yn sbarduno gweithredu dros Gymru Drefol

• Pwnc: Amgylcheddau trefol
• Dyddiad: 10 Rhagfyr
• Amser: 2:00pm  

Pwy ddylai fynychu?

Mae'r weminarau yn agored i unrhyw un sydd â diddordeb yn nyfodol adnoddau naturiol Cymru, gan gynnwys:

• Cyrff cyhoeddus
• Sefydliadau amgylcheddol a chadwraeth
• Sefydliadau academaidd ac ymchwil
• Busnesau a chynrychiolwyr diwydiant
• Llunwyr polisi ac ymarferwyr
• Grwpiau cymunedol ac unigolion sydd â diddordeb

P'un a ydych yn defnyddio tystiolaeth i lywio penderfyniadau, datblygu polisi neu gyflawni prosiectau ar lawr gwlad, bydd y sesiynau hyn yn cynnig mewnwelediadau defnyddiol a chyfleoedd i drafod gyda chydweithwyr a rhanddeiliaid o bob rhan o Gymru.

Cofrestrwch nawr

Mae'r sesiynau yn rhad ac am ddim, ond mae angen cofrestru ymlaen llaw.

Cofrestrwch ar gyfer cyfres weminarau SoNaRR 2025

Rhagor o wybodaeth

• Darllenwch adroddiad SoNaRR 2025 a'r adnoddau ategol
• Os oes gennych unrhyw gwestiynau am y gyfres, cysylltwch â thîm SoNaRR: sonarr@cyfoethnaturiolcymru.gov.uk