Sut i baratoi cais am drwydded forol band 3
Gwnewch gais am drwydded forol band 3 os yw eich gwaith yn bodloni unrhyw un o’r meini prawf canlynol:
- bydd yn costio o leiaf £1 miliwn
- mae angen asesiad o'r effaith amgylcheddol
- mae’n cynnwys adeiladu a charthu
- mae’n cynnwys suddo
- mae’n cynnwys defnyddio ffrwydron
Beth i’w gynnwys
Rhaid i bob cais band 3 gynnwys y canlynol:
- ffurflen gais wedi’i chwblhau
- datganiad dull
- asesiad Cyfarwyddeb Fframwaith Dŵr
- asesiad risg bioddiogelwch [Word, 210.9 KB]
- dogfen gyfeirio Cynllun Morol Cenedlaethol Cymru, [Excel, 25.2 KB, Saesneg yn unig] yn dangos sut mae’r prosiect yn cyd-fynd â pholisïau morol
- cynlluniau adeiladu a lluniadau adrannol
- map sy’n dangos ffin yr ardal gyfan y byddwch chi’n gweithio ynddi (rydym yn galw hyn yn ardal y drwydded)
Dysgwch sut i gynhyrchu asesiad risg bioddiogelwch [Word, 212.1 KB].
Cyfrinachedd y gofrestr gyhoeddus
Rydym yn cyhoeddi ceisiadau am drwyddedau morol ar ein cofrestr gyhoeddus.
Os ydych chi eisiau i unrhyw ran o’ch cais fod yn gyfrinachol, rhaid i chi esbonio pam.
Byddwn yn penderfynu a oes rheswm dilys dros gadw’r wybodaeth yn gyfrinachol.
Ceisiadau sydd angen asesiad o’r effaith amgylcheddol
Rhaid i geisiadau band 3 sydd angen asesiad o’r effaith amgylcheddol gynnwys y canlynol:
Gwaith sy’n cynnwys carthu a gwaredu
Rhaid i bob cais am garthu a gwaredu gynnwys:
- canlyniadau samplu a dadansoddi gwaddod [Excel, 521.6 KB]
Gwaith sy’n cynnwys dyframaethu
Rhaid i bob cais am ddyframaeth gynnwys y canlynol:
- asesiad risg bioddiogelwch [Word, 210.9 KB]
- asesiad risg mordwyo
- cynllun ymglymiad mamaliaid morol
Dysgwch sut i gynhyrchu asesiad risg bioddiogelwch [Word, 212.1 KB].
Gwaith sy’n cynnwys agregau neu fwynau
Rhaid i bob cais am agregau morol (mwynau) gynnwys:
- asesiad o’r effaith arfordirol
Gwaith sy’n effeithio ar draethlin
Os yw’r gwaith yn newid neu’n cynnal safle presennol y draethlin, rhaid i chi wneud y canlynol:
- nodi pa uned polisi o’r cynllun rheoli traethlin sy’n berthnasol
- ystyried asesiad gwasgfa arfordirol
Lawrlwytho ffurflen gais
Lawrlwythwch y ffurflen i wneud cais am drwydded forol carthu a gwaredu band 3 [Word, 219.3 KB].
Lawrlwythwch y ffurflen i wneud cais am drwydded gwaith morol band 3 [Word, 210.7 KB].
Lawrlwythwch y ffurflen i wneud cais am drwydded agregau morol (mwynau) band 3 [Word, 1.3 MB].
Pa mor hir mae’n ei gymryd
Cyflwynwch eich cais band 3 cyn gynted â phosibl, gan na allwn roi amserlen ar gyfer penderfyniad.
Bydd trwydded forol yn ei gwneud yn ofynnol i chi gyflawni nifer o dasgau cyn y cewch ddechrau gweithio.
Gall y tasgau hyn gynnwys:
- hysbysu pobl neu sefydliadau perthnasol
- cyflwyno dogfennau ychwanegol i ni eu cymeradwyo
Os oes angen mwy o gyngor arnoch
Dylech gael cyngor gennym ni os oes angen help arnoch i baratoi eich cais.