Ceisiwch gyngor cyn i chi wneud cais am drwydded forol
Rhaid i gais am drwydded forol roi’r wybodaeth sydd ei hangen arnom i asesu effaith eich prosiect.
Gall cael cyngor cyn i chi wneud cais leihau’r oedi hwn drwy eich helpu i wneud y canlynol:
- deall pa wybodaeth i’w darparu
- nodi problemau yn gynnar
- ceisio darganfod sut i ddatrys unrhyw broblemau
- gwneud eich cais yn haws ei asesu
Os oes gwybodaeth ar goll neu os yw’n aneglur, efallai y bydd yn rhaid i ni ddychwelyd eich cais neu ofyn i chi am fwy o fanylion.
Mewn rhai achosion, efallai y byddwn yn dychwelyd eich cais ac yn gofyn i chi gyflwyno eich cais eto.
Cyngor gennym ni
Gwybodaeth gyffredinol am drwyddedu morol
Gallwch anfon e-bost atom os oes gennych gwestiwn cyffredinol am drwyddedu morol.
Gallwn wneud y canlynol:
- dweud wrthych ble i ddod o hyd i’r canllawiau perthnasol
- eich helpu i ddeall y broses drwyddedu
- esbonio i ba fand ymgeisio y gallai eich prosiect fod yn perthyn
Ni allwn wneud y canlynol:
- darparu cyngor technegol sy’n benodol i’r prosiect
- adolygu ceisiadau neu ddogfennau drafft
- cadarnhau a fydd eich cais yn cael ei gymeradwyo
- mynychu cyfarfodydd
Os oes angen cyngor manwl neu benodol i’r prosiect arnoch, gallwch ystyried ein gwasanaeth cyngor trwyddedu penodol.
E-bost marinelicensing@naturalresourceswales.gov.uk
Cyngor penodol ar drwyddedu morol
Defnyddiwch y gwasanaeth hwn os oes gennych gwestiynau manwl yn ymwneud â’r gwaith penodol rydych chi am ei wneud.
Mae’r gwasanaeth hwn yn costio £120 yr awr.
Mae’n arbennig o ddefnyddiol ar gyfer prosiectau sy’n cynnwys y canlynol:
- cais band 3 sy’n gofyn am asesiad o’r effaith amgylcheddol
- datblygiad seilwaith mawr
- prosiectau sy’n defnyddio technolegau neu ddulliau newydd neu anarferol (trwydded band 2 neu fand 3)
- dyframaethu
Gallwn wneud y canlynol:
- trafod eich cynnig drwy e-bost
- trefnu cyfarfod ar-lein i drafod eich cynlluniau
Ni allwn wneud y canlynol:
- cyfarfod wyneb yn wyneb
- mynychu ymweliadau safle
E-bost marinelicensing@naturalresourceswales.gov.uk
Barn sgrinio
Bydd angen i rai ceisiadau band 3 gynnwys asesiad o’r effaith amgylcheddol.
Cyn paratoi eich cais, gallwch ofyn am farn sgrinio gan ein tîm trwyddedu morol i benderfynu a oes angen asesiad o’r effaith amgylcheddol.
Mae’r gwasanaeth hwn yn costio £600.
Dysgwch fwy a gofynnwch am farn sgrinio.
Barn gwmpasu
Os yw’r farn sgrinio yn cadarnhau bod angen asesiad o’r effaith amgylcheddol, gallwch ofyn am farn gwmpasu. Mae hyn yn nodi beth y mae’n rhaid i’ch asesiad o’r effaith amgylcheddol ei gynnwys.
Mae’r gwasanaeth hwn yn costio £120 yr awr.
Dysgwch fwy a gofynnwch am farn gwmpasu.
Cynlluniau samplu gwaddodion
Cyn i chi wneud cais am drwydded i garthu neu gael gwared ar ddeunydd sydd wedi’i garthu, rhaid sicrhau bod amrediad o briodweddau ffisegol a chemegol y deunydd wedi’u dadansoddi.
Mae’r gwasanaeth hwn yn costio £420.
Dysgwch fwy a gofynnwch am gynllun samplu.
Cyngor amgylcheddol disgresiynol
Os yw eich gwaith yn digwydd o fewn ardal forol Cymru, gall ein gwasanaeth cyngor morol yn Cyfoeth Naturiol Cymru ddarparu cyngor ynghylch rhywogaethau gwarchodedig a safleoedd dynodedig.
Cysylltwch â’n gwasanaeth cyngor morol yn Cyfoeth Naturiol Cymru os nad ydych yn siŵr a yw lleoliad eich prosiect a’ch gweithgaredd arfaethedig yn golygu bod gennych y potensial i effeithio ar safle gwarchodedig neu sensitif.
Mae’r gwasanaeth hwn yn costio £125 yr awr, ynghyd â TAW.
E-bost: marine.advice@cyfoethnaturiolcymru.gov.uk
Os oes gan y gwaith botensial i effeithio ar safleoedd y tu hwnt i 12 milltir forol, dylech hefyd gysylltu â’r Cyd-bwyllgor Cadwraeth Natur.
Cyngor gan sefydliadau eraill
Cysylltwch â sefydliadau perthnasol yn gynnar er mwyn i chi ganiatáu amser iddynt ymateb. Efallai y bydd rhai’n codi tâl am gyngor.
Bydd pwy y byddwch chi’n cysylltu ag ef yn dibynnu ar ba fand trwydded forol sydd ei angen arnoch chi.
Ceisiadau band 1
Dysgwch fwy am gael cyngor ar gyfer cais band 1.
Ceisiadau band 2 neu 3
Yn dibynnu ar y gweithgareddau rydych am eu gwneud, a ble rydych am eu gwneud, efallai y byddwch am ymgynghori â sefydliadau eraill cyn i chi wneud cais am drwydded, gan gynnwys y canlynol:
- Tŷ’r Drindod
- Asiantaeth y Môr a Gwylwyr y Glannau
- Awdurdodau harbwr lleol
- Heneb – Archaeoleg i Gymru – Cartref pedair Ymddiriedolaeth Archaeolegol Cymru
- Comisiwn Brenhinol Henebion Cymru
- Ystad y Goron
- Awdurdodau cynllunio lleol
- Porthladdoedd lleol
- Iechyd Cyhoeddus Cymru
- Cadw
- Y Weinyddiaeth Amddiffyn
- Y Gymdeithas Frenhinol er Gwarchod Adar
- Y Gymdeithas Hwylio Frenhinol
- Cymdeithas Pysgotwyr Cymru
- Ffederasiwn Cenedlaethol Sefydliadau Pysgotwyr
- Siambr Morgludiant
- Gwasanaethau Traffig Awyr Cenedlaethol
Os credwch y gallai eich prosiect ddenu diddordeb y cyhoedd, ymgysylltwch â chymunedau cyn i chi wneud cais am drwydded.
Paratowch eich cais
Defnyddiwch ein hofferyn gwirio pa drwydded forol sydd ei hangen arnoch os nad ydych chi’n siŵr pa fand trwydded forol y mae angen i chi wneud cais amdano.
Dysgwch sut i baratoi cais ar gyfer: