Dull o gymhwyso a chyfrifo ffioedd ar gyfer prosiectau seilwaith arwyddocaol
Dull o gymhwyso a chyfrifo ffioedd ar gyfer prosiectau seilwaith arwyddocaol
Disgwylir i ddatblygwyr dalu ein costau am ddarparu cyngor statudol ac anstatudol mewn perthynas â phrosiectau seilwaith arwyddocaol ar bob cam perthnasol o'r broses cydsyniad seilwaith. Mae'r gwasanaethau rydym yn codi tâl amdanynt a'r ffioedd sy'n daladwy wedi'u nodi isod. Mae'r ffioedd wedi'u cyfrifo yn seiliedig ar amcangyfrifon o amser staff a chostau eraill sy'n gysylltiedig ag asesu a chynghori ar gais prosiect seilwaith arwyddocaol.
Y cyfnod cyn ymgeisio
Gwasanaeth Rhagarweiniol Statudol
Wedi'i ddarparu yn unol ag adran 27(1) o Ddeddf Seilwaith (Cymru) 2024 a rheoliadau 9, 10, 11(2) a 12 o Reoliadau Cydsyniad Seilwaith (Darpariaethau Amrywiol) (Cymru) 2025.
Swm
Safonol £750 (wedi'i dalu wrth gyflwyno – y tu allan i gwmpas TAW); £125 amrywiol ychwanegol yr awr (wedi'i anfonebu yn ddyledus – y tu allan i gwmpas TAW)
Gwasanaeth a ddarperir
Byddwn yn darparu cyngor ysgrifenedig, gan gynnwys:
- datganiad o ystyriaethau amgylcheddol ar gyfer y datblygiad arfaethedig
- datganiad o unrhyw asesiadau amgylcheddol a allai fod yn ofynnol mewn perthynas â'r datblygiad arfaethedig
- manylion unrhyw ddatganiad posibl o dir cyffredin
- cyngor ar unrhyw ymgynghoriad cyn ymgeisio a allai gael ei gynnal
Os yw cost darparu'r cyngor ysgrifenedig uchod yn debygol o fod yn fwy na'r ffi gwasanaeth rhagarweiniol safonol, byddwn yn rhoi gwybod i’r ymgeisydd o'r ffi ychwanegol sy'n daladwy ac yn gofyn am gadarnhad ganddo ei fod yn derbyn y ffi ychwanegol.
Bydd ffi ychwanegol hefyd yn daladwy pan fyddwn yn cytuno i gynnal cyfarfod cyn ymgeisio.
Sgrinio ar gyfer asesiad o'r effaith amgylcheddol
Swm
Amrywiol £125 yr awr (anfonebir yn ddyledus – y tu allan i gwmpas TAW)
Gwasanaeth a ddarperir
Cyngor a ddarparwyd i Benderfyniadau Cynllunio ac Amgylchedd Cymru i benderfynu a oes angen asesiad o'r effaith amgylcheddol.
Cwmpasu’r asesiad o'r effaith amgylcheddol
Swm
Amrywiol £125 yr awr (anfonebir yn ddyledus – y tu allan i gwmpas TAW)
Gwasanaeth a ddarperir
Cyngor a ddarparwyd i Benderfyniadau Cynllunio ac Amgylchedd Cymru i bennu cwmpas a chynnwys datganiad amgylcheddol.
Gwasanaeth cyngor dewisol ar gyfer cynllunio datblygu a chyngor morol
Swm
Amrywiol £125 yr awr (anfonebir yn ddyledus – yn destun TAW)
Gwasanaeth a ddarperir
Darllenwch fwy am ein gwasanaeth cyngor dewisol.
Ymgynghoriad a Chyhoeddusrwydd Cyn-ymgeisio Statudol
Swm
Amrywiol £125 yr awr (anfonebir yn ddyledus – y tu allan i gwmpas TAW)
Gwasanaeth a ddarperir
Byddwn yn darparu ymateb sylweddol a fydd:
- yn nodi nad oes gennym unrhyw sylwadau i'w gwneud ac yn rhoi rhesymau dros yr ymateb hwnnw
- yn nodi nad oes gennym unrhyw wrthwynebiad i'r datblygiad arfaethedig, gan gyfeirio'r ymgeisydd at ein cyngor sefydlog ar bwnc yr ymgynghoriad
- yn hysbysu'r ymgeisydd am ein pryderon ynghylch y datblygiad arfaethedig a sut y gellir mynd i'r afael â'r rheini
- yn hysbysu'r ymgeisydd fod gennym bryderon ynghylch y datblygiad arfaethedig ac y byddem yn gwrthwynebu cais a wneir dan yr un termau neu dan dermau sy’n debyg iawn, gan nodi'r rhesymau dros y gwrthwynebiadau hynny
Noder: ni fydd y ffi yn cynnwys y gost o gynghori ar unrhyw faterion sy’n gysylltiedig â thynnu gofynion cydsyniad neu gydsyniad tybiedig, pan fo’n berthnasol.
Cyfnod ymgeisio ac archwilio
Swm
Cyfradd amrywiol £125 yr awr (anfonebir ar ffurf ôl-daliad – y tu allan i gwmpas TAW)
Gwasanaeth a ddarparwyd
Mae'r gwasanaethau cydsynio seilwaith rydym yn eu darparu ar hyn o bryd yn cynnwys yr elfennau canlynol, ond heb fod yn gyfyngedig iddynt:
- Ymateb sylweddol i ymgynghoriad statudol ar ôl cyflwyno
- Cyfranogiad mewn cyfarfod rheoli archwiliad a pharatoadau’n gysylltiedig â hyn
- Sylwadau ysgrifenedig yn ystod y cam archwilio
- Cymryd rhan mewn gwrandawiad neu ymchwiliad lleol fel cynghorydd arbenigol, gan gynnwys unrhyw ddatganiadau gwrandawiad cysylltiedig, datganiadau ysgrifenedig o dystiolaeth a chyflwyniadau cloi
- Cyngor a ddarperir mewn perthynas ag asesiad priodol yr awdurdod cymwys o dan y Rheoliadau Cynefinoedd ac unrhyw asesiadau amgylcheddol perthnasol eraill
- Unrhyw gyngor a ddarperir mewn perthynas â chydsyniad wedi'i ddileu neu sy’n dybiedig
- Unrhyw gyngor a ddarperir yn uniongyrchol i'r ymgeisydd yn y cam ar ôl cyflwyno ac archwilio, megis paratoi datganiad o dir cyffredin
Costau rhesymol eraill
Efallai y byddwn hefyd yn adennill costau rhesymol eraill, megis:
- Mynychu ymweliadau safle
- Ffioedd proffesiynol ar gyfer cynrychiolaeth/gwasanaethau technegol a chyfreithiol allanol
Gofyniad am Adroddiad Effaith Morol ac Ymateb Sylweddol
Pan fyddwn yn derbyn ymgynghoriad statudol ar ôl cyflwyno cais SIP sy'n cynnwys trwydded forol dybiedig, rhaid i ni ddarparu ymateb sylweddol ac Adroddiad Effaith Morol (MIR). Gallwn gynnwys ein hymateb sylweddol o fewn y MIR.
Pan fyddwn yn cynnwys ein hymateb sylweddol o fewn y MIR, byddwn yn adennill costau ar gyfer yr elfennau hynny o'r ymateb sylweddol sy'n mynd y tu hwnt i'r gofynion MIR yn unig, a godir ar gyfradd amrywiol o £125 yr awr.
Mae'n bwysig nodi, ni fyddwn yn adennill costau ar wahân ar gyfer unrhyw elfennau o'n hymateb sylweddol sy'n gorgyffwrdd â gofynion MIR, gan fod y rhain eisoes wedi'u cwmpasu gan y MIR.
Cam penderfynu
Swm
Cyfradd amrywiol £125 yr awr (anfonebir ar ffurf ôl-daliad – y tu allan i gwmpas TAW)
Gwasanaeth a ddarparwyd
Mae'r gwasanaethau cydsynio seilwaith rydym yn eu darparu ar hyn o bryd yn cynnwys yr elfennau canlynol, ond heb fod yn gyfyngedig iddynt:
- Sylwadau ysgrifenedig pellach, megis y rhai sy'n ymwneud â gwahaniaeth mewn barn ar 'fater o ffaith' rhwng Gweinidogion Cymru a'r Awdurdod Archwilio, ystyried unrhyw dystiolaeth neu ffaith newydd, neu gynnig gan Weinidogion Cymru i wneud Gorchymyn Caniatâd Seilwaith (ICO) sy'n sylweddol wahanol i'r hyn a gynigir yn y cais
- Unrhyw gyngor pellach a ddarperir mewn perthynas ag asesiad priodol yr awdurdod cymwys o dan y Rheoliadau Cynefinoedd ac unrhyw asesiadau amgylcheddol perthnasol eraill
Pan fo'n ofynnol i ni gymryd rhan fel cynghorydd arbenigol mewn gwrandawiad neu ymchwiliad lleol a ail-agorwyd, byddwn yn dilyn yr un dull o adennill costau ag a nodir i’r cam ymgeisio ac archwilio.
Cam ar ôl penderfynu
Swm
Cyfradd amrywiol £125 yr awr (anfonebir ar ffurf ôl-daliad – y tu allan i gwmpas TAW)
Gwasanaeth a ddarparwyd
Mae'r gwasanaethau cydsynio seilwaith rydym yn eu darparu ar hyn o bryd yn cynnwys yr elfennau canlynol, ond heb fod yn gyfyngedig iddynt:
- Cyngor a ddarparwyd i Weinidogion Cymru mewn perthynas â chywiro gwallau mewn dogfennau penderfyniad ICO
- Cyngor a ddarparwyd i'r awdurdod rhyddhau mewn perthynas â gweithredu penderfyniadau, megis cyflawni'r gofynion a gynhwysir yn yr ICO
- Cyngor a ddarparwyd mewn perthynas â chais i ddirymu ICO
Taliad wrth gyflwyno
Telir ffi safonol y gwasanaeth rhagarweiniol statudol o £750 wrth gyflwyno cais a gellir talu'r ffi dros y ffôn drwy ein ffonio ni ar 03000 653770 rhwng 9yb a 5yp, dydd Llun i ddydd Gwener. Pan fyddwch yn talu, nodwch fod y taliad am y gwasanaeth rhagarweiniol statudol ar gyfer prosiect seilwaith arwyddocaol arfaethedig.
Anfonebu
Ar ôl i ni gwblhau gwasanaethau penodol, byddwn yn anfon anfoneb atoch. Bydd yr anfoneb yn cynnwys:
- disgrifiad o'r gwasanaeth(au) a ddarparwyd
- nifer yr oriau a dreuliwyd ar y gwasanaeth(au)
- unrhyw TAW a godir
Rhaid i chi dalu'r anfoneb o fewn 28 diwrnod. Os yw'r taliad yn hwyr, byddwn yn anfon nodyn atgoffa. Os na fyddwn yn cael y taliad erbyn y dyddiad a nodir yn y nodyn atgoffa, efallai y byddwn yn anfon ail nodyn atgoffa atoch ac yn eich rhybuddio am gamau pellach y gallem eu cymryd i adennill costau.
Rhowch wybod i ni am unrhyw rif archeb brynu yr hoffech i ni ei ddefnyddio yn ein hanfonebau.
Anghydfodau
Os na fyddwch yn talu erbyn y dyddiad dyledus, efallai y byddwn yn adennill y ffi fel dyled sifil. Efallai na fyddwn hefyd yn darparu gwasanaethau tebyg y gofynnir amdanynt wedi hynny nes bod y mater wedi'i ddatrys. Pan fo angen, byddwn yn hysbysu Penderfyniadau Cynllunio ac Amgylchedd Cymru a/neu'r awdurdod archwilio pa wasanaethau sy'n cael eu hatal a'r rhesymau dros wneud hynny.
Os ydych chi am herio anfoneb, cysylltwch â ni yn ysgrifenedig yma: online@cyfoethnaturiolcymru.gov.uk.
Mae'r cyfeiriad e-bost hwn ar ein hanfonebau hefyd.