Dadansoddwr Ansawdd Data Dŵr Arbenigol

Tîm / Cyfarwyddiaeth: Cynllunio Dŵr Integredig / Tystiolaeth, Polisi a Thrwyddedu

Cyflog cychwynnol: £41,132 yn codi i £44,988 fesul cam bob blwyddyn. (Pro rata ar gyfer ymgeiswyr rhan-amser). 

Math o gytundeb: Penodiad cyfnod penodol tan 31/03/2027

Patrwm gwaith: Llawn amser, 37 awr yr wythnos (Rhoddir ystyriaeth i weithio’n rhan amser, oriau blynyddol, oriau cywasgedig neu weithio yn ystod amser tymor – croesewir trafodaethau yn ystod y cyfweliad) 

Dyddiad cyfweld: Wythnos yn dechrau 15 Medi 2025

Rhif swydd: 204002

Y rôl

Ymunwch â Chyfoeth Naturiol Cymru (CNC) ar flaen y gad o ran cynllunio dŵr. Fel rhan o’n tîm Dŵr a Natur Gynaliadwy, byddwch yn arwain datblygiad offeryn newydd pwerus sy’n dwyn ynghyd ddata o gyrff dŵr ac ardaloedd gwarchodedig fel dyfroedd ymdrochi, gan droi gwybodaeth gymhleth yn fewnwelediadau clir sy’n sbarduno canlyniadau amgylcheddol go iawn.

Byddwch yn dylunio a chyflwyno system adrodd, ddadansoddi a mapio integredig sy’n gweithio ar draws platfformau TGCh CNC, gan alluogi asesiadau cyflym sy’n seiliedig ar dystiolaeth. Gan weithio’n agos gyda thimau mewnol a phartneriaid allanol, byddwch yn helpu i feithrin ymddiriedaeth yn ein data, gwella tryloywder, a sbarduno cydweithio ystyrlon.

Mae hwn yn gyfnod cyffrous yn y maes gwaith hwn wrth inni ganolbwyntio ar barhau i gyflawni prosiectau mawr, gan gynnwys Cynlluniau Rheoli Basnau Afonydd Cylch 4 ac Adolygiad Pris Dŵr 2029, yn ogystal â deall a gweithredu’r newidiadau sy’n ofynnol gan bolisi a deddfwriaeth newydd. 

Os ydych chi’n barod i lunio sut mae Cymru’n deall ac yn rheoli ei hamgylchedd dŵr, yna dyma’ch cyfle.

Fel sefydliad, rydym yn cefnogi gweithio hyblyg. Byddwch yn cael eich contractio i swyddfa CNC o fewn y lle, a bydd gofyn i chi fynd yno ar gyfer cyfarfodydd rheolaidd, hyfforddiant ac ar gyfer cyfarfodydd un i un gyda'ch rheolwr. Bydd y rhain yn cael eu cynllunio ymlaen llaw.

Efallai y bydd y penodiad hwn yn cael ei ymestyn neu yn ddiweddarach gall ddod yn swydd barhaol, ond ni ellir gwarantu hyn.

I wneud ymholiad anffurfiol am y rôl hon, cysylltwch â Ruth Johnston ruth.johnston@cyfoethnaturiolcymru.gov.uk

Bydd cyfweliadau’n  cael eu cynnal ar Microsoft Teams.

Bydd ymgeiswyr llwyddiannus yn destun gwiriad boddhaol gan y Gwasanaeth Datgelu a Gwahardd. Fel arfer, gwneir apwyntiadau o fewn 4–8 wythnos i'r dyddiad cau.

Amdanom ni

Mae’r rôl hon yn rhan o’r Tîm Cynllunio Dŵr Integredig, sy’n chwarae rhan hanfodol wrth gydlynu polisi a chamau gweithredu dŵr ledled Cymru. Mae’r tîm hwn yn cwmpasu meysydd allweddol, gan gynnwys Cynlluniau Rheoli Basnau Afonydd, y Gyfarwyddeb Fframwaith Dŵr, y Rhaglen Amgylchedd Genedlaethol, cemegion, hydromorffoleg, a chyflawni rhaglenni ansawdd dŵr a physgodfeydd a ariennir gan y Gronfa Argyfyngau Natur a Hinsawdd.

Mae’r rôl hon yn hanfodol wrth alinio cynllunio dŵr cenedlaethol â chamau gweithredu ar lawr gwlad i fynd i’r afael ag effeithiau amgylcheddol. Wedi’ch lleoli yn y Gyfarwyddiaeth Tystiolaeth, Polisi a Thrwyddedu, byddwch yn adrodd i arweinydd y Tîm Cynllunio Dŵr Integredig fel rhan o’r Grŵp Dŵr a Natur Gynaliadwy. Bydd eich rôl yn cynnwys cysylltu â staff gweithredol a thechnegol, yn ogystal ag ymgysylltu’n uniongyrchol â rhanddeiliaid i sicrhau bod cynllunio dŵr yn seiliedig ar dystiolaeth, yn flaengar, ac yn cael ei gyflawni’n effeithiol.

Yr hyn y byddwch chi’n ei wneud

• Cynnal offer a chymwysiadau sy’n rheoli llif, cyfanrwydd a gwaith integreiddio asedau data CNC wrth i ddata symud rhwng cymwysiadau ac wrth i gymwysiadau newydd gael eu datblygu. 
• Arwain ar ddatblygu adrodd gweithredol ar gyfer dŵr ac ardaloedd gwarchodedig er mwyn adeiladu dangosfyrddau, adroddiadau a safbwyntiau gweithredol o’n data fel ei fod yn cefnogi rheoli adnoddau naturiol yn gynaliadwy ac yn llywio penderfyniadau gweithredol a datblygu polisïau.
• Archwilio’r holl brosesau ansawdd data cyfredol ar draws dŵr ac ardaloedd gwarchodedig a nodi bylchau a chyfleoedd i ddatblygu arferion gorau ar gyfer technegau ansawdd data.
• Cynnal gwaith cymhleth i ddadansoddi a dehongli data a chyfuno tystiolaeth er mwyn llywio a dylanwadu ar gyfeiriad strategol CNC ar gyfer monitro dŵr ac ardaloedd gwarchodedig, cymryd camau gweithredu, a darparu allbynnau â sicrwydd ansawdd i’w cynnwys mewn adroddiadau a dangosyddion amgylcheddol cenedlaethol, gan gynnwys yr Adroddiad ar Sefyllfa Adnoddau Naturiol, y Gyfarwyddeb Fframwaith Dŵr ac Erthygl 17 y Gyfarwyddeb Cynefinoedd.
• Mewnforio, allforio, trawsnewid, dilysu a sicrhau ansawdd data CNC, gan ddilyn safonau CNC / y diwydiant. Bydd hyn ar draws amrywiaeth o themâu data a fformatau data, ac o amrediad o gymwysiadau TG.
• Gweithio gyda cheidwaid data CNC ac arbenigwyr yn y tîm meistr-ddata i helpu i ddiffinio, rheoli, gwirio ac archwilio safonau data corfforaethol CNC. Mae hyn yn cynnwys ysgrifennu sgriptiau i helpu gyda gwirio ansawdd. 
• Rhyngweithio ag amrediad o gyrff y llywodraeth, cyrff asiantaeth a sefydliadau partner, gan weithio ar brosiectau dadansoddi sy’n ymwneud â monitro ac adrodd amgylcheddol ar lefel Cymru a’r DU.
• Creu adroddiadau gweithredol, dangosfyrddau a safbwyntiau busnes ar ein data i ddiwallu anghenion gweithredol. 
• Arwain y gwaith o gyflawni prosiectau a datrysiadau gwella drwy gyfrannu at y fanyleb, y profion a’r broses cyflwyno gwasanaeth ar gyfer datrysiadau newydd ar gyfer dŵr ac ardaloedd gwarchodedig. 
• Cynrychioli maes cynllunio dŵr integredig mewn grwpiau gorchwyl a gorffen, rhwydweithiau a grwpiau llywodraethu perthnasol
• Ymgymryd â dyletswyddau a chyfrifoldebau iechyd a diogelwch sy'n briodol i'r swydd.
• Ymrwymiad i Bolisi Cyfle Cyfartal ac Amrywiaeth Cyfoeth Naturiol Cymru, ynghyd â dealltwriaeth o sut mae’n gweithredu o fewn cyfrifoldebau’r swydd.
• Bod yn ymrwymedig i'ch datblygiad eich hun trwy ddefnydd effeithiol o Sgwrs.
• Unrhyw ddyletswyddau rhesymol eraill y gofynnir amdanynt sy'n gymesur â gradd y rôl hon.

Eich cymwysterau, profiad, gwybodaeth a sgiliau 

Yn eich cais a’ch cyfweliad, gofynnir i chi ddangos y sgiliau a’r profiad canlynol gan ddefnyddio dull STAR.

1. Gradd berthnasol neu brofiad cyfatebol. Mae aelodaeth o gorff proffesiynol perthnasol yn ddymunol.
2. Profiad sylweddol o reoli data, sy’n ymwneud yn benodol â data amgylcheddol, ac ystod eang o sgiliau sy’n gysylltiedig â darganfod data, cyflwyno data a rheoli metadata.
3. Sgiliau datrys problemau datblygedig iawn, gyda’r gallu i echdynnu gwybodaeth allweddol a’i chyflwyno mewn modd clir a chryno i ystod o gynulleidfaoedd ar ffurf ysgrifenedig a llafar.
4. Sgiliau a phrofiad o greu a chyflwyno gwybodaeth i amrywiaeth o randdeiliaid y gallant seilio penderfyniadau, cyngor neu ddatblygu polisïau arni.
5. Ymwybyddiaeth o ofynion data a TG prosesau busnes sy’n creu ac yn defnyddio data a’r gallu i’w gwerthuso.
6. Gallu meithrin cydberthnasau mewnol ac allanol cryf ag amrywiaeth o bartneriaid / rhanddeiliaid er mwyn cael dylanwad arnynt ac ennill cydweithrediad gan eraill.
7. Profiad blaenorol o arwain a rheoli prosiectau technegol.
8. Y gallu i weithio’n annibynnol, gan ddangos arloesedd a mentergarwch a’r gallu i ddatblygu, neu dderbyn, syniadau newydd a datrysiadau creadigol.

Gofynion y Gymraeg

• Hanfodol: Lefel A1 - Lefel Mynediad  (y gallu i ddeall a defnyddion ymadroddion a chyfarchion syml, dim gallu i sgwrsio yn Gymraeg)
• Dymunol: Lefel C1 - Lefel hyfedredd (rhugl mewn Cymraeg llafar)

Noder: Os nad ydych yn bodloni’r gofynion A1, h.y. y gallu i ddeall brawddegau sylfaenol ac ynganu enwau Cymraeg yn gywir, mae CNC yn cynnig amrywiaeth o ddewisiadau dysgu a chymorth staff i’ch helpu i fodloni’r gofynion sylfaenol hyn yn ystod eich cyflogaeth gyda ni.

Buddion

Bydd y rôl hon yn cynnig amrywiaeth o fanteision, gan gynnwys:

• cynllun Pensiwn y Gwasanaeth Sifil sy’n cynnig cyfraniadau o 28.97% gan y cyflogwr (bydd staff mewnol llwyddiannus yn aros yn eu cynllun pensiwn presennol)
• 28 diwrnod o wyliau blynyddol, yn codi i 33 diwrnod
• absenoldebau hael ar gyfer eich holl anghenion mewn bywyd
• ymrwymiad i ddatblygiad proffesiynol
• manteision a chymorth o ran iechyd a lles
• awr les wythnosol y gallwch ddewis pryd i’w defnyddio

Gweler y manylion llawn ar gyfer yr holl fuddion y byddwch yn eu cael fel gweithiwr.

Daliwch ati i ddarllen

Rydym yn angerddol am greu gweithlu creadigol ac amrywiol ac yn annog ceisiadau gan gymunedau heb gynrychiolaeth ddigonol. Rydym yn croesawu ansawdd cyfleoedd heb ystyried oedran, anabledd, ailbennu rhyw, statws priodasol neu bartneriaeth sifil, beichiogrwydd a mamolaeth, hil, crefydd neu gred, rhyw, cyfeiriadedd rhywiol.  

Rydym wedi ymrwymo i gyfle cyfartal, ac rydym yn gwarantu cyfweliadau ar gyfer ymgeiswyr ag anableddau sy'n bodloni'r meini prawf gofynnol.

Rydym yn dymuno denu a chadw staff talentog a medrus, felly rydym yn sicrhau bod ein graddfeydd cyflog yn aros yn gystadleuol. Nodir graddfeydd cyflog ar ddisgrifiadau swydd wrth hysbysebu. Mae’r bobl a benodir yn cychwyn ar bwynt cyntaf y raddfa, gyda chynnydd gam wrth gam bob blwyddyn.

Rydym am i'n staff ddatblygu'n broffesiynol ac yn bersonol. O ddatblygu eu sgiliau arweinyddiaeth i gael mynediad i gyrsiau addysg bellach ac uwch, mae ein staff yn cael cyfleoedd i ehangu eu gwybodaeth mewn amrywiaeth o bynciau, cynnal eu gwybodaeth o’r datblygiadau diweddaraf yn eu maes a pharhau i ddysgu wrth i'w gyrfa ddatblygu.  

Rydym yn sefydliad dwyieithog sy’n cydymffurfio â Safonau’r Iaith Gymraeg ac sydd wedi ymrwymo i gyfle cyfartal.  Ystyrir sgiliau Cymraeg yn ased i’r sefydliad, ac rydym yn annog ac yn cefnogi staff i ddysgu, datblygu a defnyddio eu sgiliau Cymraeg yn y gweithle. Mae croeso i chi wneud cais am unrhyw swydd wag yn Gymraeg neu Saesneg a bydd unrhyw gais a gyflwynir yn cael ei drin yn gyfartal.

Gwnewch gais am y rôl hon

Cadwch y manylion hysbyseb yma ar gyfer cyfeirnod yn y dyfodol gan na fyddant ar gael ar-lein ar ôl y dyddiad cau.