Cynghorydd Arwain Polisi Ynni Morol

Tîm / Cyfarwyddiaeth: Polisi a Chynllunio Morol ac Arfordirol Tystiolaeth, Polisi a Thrwyddedu 

Cyflog cychwynnol: £45,367 yn codi i £50,877 fesul cam bob blwyddyn. (Pro rata ar gyfer ymgeiswyr rhan-amser). 

Math o gytundeb: Parhaol

Patrwm gwaith: Llawn amser, 37 awr yr wythnos (Rhoddir ystyriaeth i weithio’n rhan amser, oriau blynyddol, oriau cywasgedig neu weithio yn ystod amser tymor – croesewir trafodaethau yn ystod y cyfweliad) 

Rhif swydd: 201434

Y rôl

A ydych chi’n frwdfrydig dros yr amgylchedd morol? A oes gennych chi brofiad da o gynghori ar bolisi a strategaeth ar gyfer diwydiannau morol a’u heffeithiau ar yr amgylchedd morol? Os felly, efallai bod y swydd hon yn berffaith i chi!

Mae cynnal a gwella amrywiaeth a gwydnwch yr amgylchedd morol yn allweddol i fynd i’r afael â’r argyfwng natur yng Nghymru. Rydym yn chwilio am rywun sydd â phrofiad o wneud gwahaniaeth trwy gyngor polisi morol i ymuno â’n tîm Polisi a Chynllunio Morol ac Arfordirol. Mae’r tîm yn arwain ar ddatblygu strategaethau, polisïau, deddfwriaeth, dulliau gweithredu ac arweiniad, a rhoi cyngor arnynt, mewn perthynas â chynllunio a rheoli’r amgylchedd morol ac arfordirol. Rydym yn darparu’r cyngor hwn yn fewnol ac yn allanol i’r Llywodraeth, partneriaid, a’r sectorau morol ac arfordirol.

Byddwch yn arwain ar gyngor amgylcheddol strategol CNC ar gynlluniau a pholisïau ar gyfer datblygu a defnyddio diwydiannau morol a thechnolegau ynni adnewyddadwy yn amgylchedd morol Cymru. Mae hyn yn cynnwys cynrychioli’r maes polisi morol ar draws CNC a chynrychioli CNC yng Nghymru ac ar draws y DU. Elfen allweddol o’r rôl yw darparu cyngor strategol ar ddiwydiannau morol i Lywodraeth Cymru, Llywodraeth y DU a rhanddeiliaid cenedlaethol i lywio a dylanwadu ar bolisïau, cynlluniau a strategaethau.

Rydym yn chwilio am weithiwr proffesiynol profiadol, brwdfrydig a llawn egni i fod yn rhan o dîm Cymru gyfan o arbenigwyr morol. Os yw hyn yn addas i chi – cyflwynwch gais nawr!

Mae meysydd gwaith penodol yn cynnwys:

• Goruchwylio datblygiad polisi, cyngor, canllawiau a thystiolaeth strategol CNC ar gyfer y diwydiant morol.
• Cynnal trosolwg o sectorau’r diwydiant morol a’r polisïau, strategaethau a chynlluniau sy’n eu llywodraethu, a darogan a rheoli risgiau a chyfleoedd allweddol.
• Cynllunio a blaenoriaethu gwaith strategol CNC ar ddiwydiannau morol, a gosod cyfeiriad y rhai sy’n gweithio yn y tîm ar ddiwydiannau morol.
• Mentora ac arwain datblygiad aelodau’r tîm sy’n gweithio yn y diwydiannau morol.
• Rheoli cyswllt cynghorol ar faterion strategol y diwydiant morol o fewn CNC ac yn allanol gyda’r llywodraeth, y diwydiant a phartneriaid eraill, gan sicrhau cynrychiolaeth CNC ar brif grwpiau a fforymau’r diwydiant morol.
• Darparu mewnbwn strategol gan y diwydiant morol i strwythurau llywodraethu CNC, darparu briffiau / papurau a sicrhau amlygiad rheoli priodol.

Dewch i ymuno â’n gweithlu cyfeillgar, elwa ar ein hamodau gwaith hyblyg, a bod yn rhan o’r ateb i’r argyfyngau hinsawdd a natur y mae ein byd yn eu hwynebu.

I wneud ymholiad anffurfiol am y rôl hon, cysylltwch â Helen Bloomfield: helen.bloomfield@cyfoethnaturiolcymru.gov.uk 

Bydd ymgeiswyr llwyddiannus yn destun gwiriad boddhaol gan y Gwasanaeth Datgelu a Gwahardd (DBS). Fel arfer gwneir penodiadau o fewn 4 i 8 wythnos i'r dyddiad cau. 

Yr hyn y byddwch chi’n ei wneud

• Cynnal gwaith arwain a rheoli prosiectau mewn perthynas â materion penodol a chymhleth lle mae angen datblygu polisïau, strategaethau, cynlluniau a rhaglenni CNC, gan gynnwys cymorth ar waith achos sydd yn newydd, yn gynhennus neu er budd mawr i’r cyhoedd.
• Darparu cyngor statudol i Lywodraeth Cymru a chyrff eraill yng Nghymru, yn ogystal ag adrannau Llywodraeth y DU sydd â chyfrifoldebau morol a gedwir, ac adolygu a rhoi cyngor yn eu tro ar y polisi, cynlluniau a strategaethau a grëir.
• Cadw perchnogaeth a goruchwyliaeth dros y diwydiant morol a’r maes polisi ynni i sicrhau uniondeb dulliau CNC gyda bwriad polisi Llywodraeth Cymru, y Llywodraeth Ganolog a’r UE.
• Cynghori ar anghenion tystiolaeth a chyfleoedd, comisiynu tystiolaeth a rheoli prosiectau tystiolaeth, yn unol â’r rhaglen dystiolaeth y cytunwyd arni.
• Cynnal gwybodaeth ymarferol fanwl am y diwydiant morol a’r sectorau ynni gan nodi goblygiadau newidiadau deddfwriaethol, technolegol ac o ran y farchnad i CNC a’r sector(au).
• Cyfrannu at grwpiau gorchwyl a gorffen, a gomisiynir drwy’r byrddau busnes, er mwyn paratoi cynhyrchion pendant yn ôl y gofyn.
• Llywio’r trosolwg a pherchnogaeth o ymgysylltu â Llywodraeth Cymru ar y meysydd polisi penodol sy’n gysylltiedig â’r diwydiant morol ac ynni.
• Darparu cefnogaeth i aelodau eraill y tîm sy'n gweithio yn y diwydiannau morol a'r sectorau ynni.
• Cydweithio ag arweinydd y tîm i ddatblygu a chyflenwi cynllun datblygu personol y cytunir arno.
• Ymgymryd â dyletswyddau a chyfrifoldebau iechyd a diogelwch sy'n briodol i'r swydd.
• Ymrwymiad i Bolisi Cyfle Cyfartal ac Amrywiaeth Cyfoeth Naturiol Cymru, ynghyd â dealltwriaeth o sut mae’n gweithredu o fewn cyfrifoldebau’r swydd.
• Bod yn ymrwymedig i'ch datblygiad eich hun trwy ddefnydd effeithiol o Sgwrs.
• Unrhyw ddyletswyddau rhesymol eraill y gofynnir amdanynt sy'n gymesur â gradd y rôl hon.

Eich cymwysterau, profiad, gwybodaeth a sgiliau 

Yn eich cais a’ch cyfweliad, gofynnir i chi ddangos y sgiliau a’r profiad canlynol gan ddefnyddio dull STAR.

1. Gwybodaeth am y canlynol: Deddfwriaeth Cymru, y DU a’r UE sy’n ymwneud â chynllunio, rheoli a rheoleiddio’r amgylchedd morol; ysgogwyr polisi Llywodraeth Cymru a Llywodraeth y DU wrth gynllunio a rheoli’r diwydiant morol a’r sectorau ynni; a’r materion a’r cyfleoedd yng Nghymru.
2. Gwybodaeth a dealltwriaeth ymarferol o sut i oresgyn y blaenoriaethau cymhleth, yr ysgogwyr a’r rhwystrau y mae CNC, partneriaid a rhanddeiliaid sy’n ymwneud â chyflawni canlyniadau’r diwydiant morol a’r sectorau ynni yng Nghymru yn eu hwynebu.
3. Profiad o’r canlynol: Dealltwriaeth fanwl o gynllunio, rheoli a rheoleiddio diwydiannau morol a sectorau ynni, a’r ystod gymhleth o ysgogwyr a rhwystrau i gyflawni.
4. Gweithio o fewn amgylchedd rheoli rhaglenni a phrosiectau a meddu ar brofiad o reoli prosiectau a/neu gymwysterau yn y maes hwn.
5. Byddwch yn aelod o sefydliad proffesiynol perthnasol a/neu yn gweithio tuag at fod yn aelod.
6. Cynrychioli’r sefydliad o ran materion proffil uchel a chynhennus yn gyhoeddus.
7. Rhannwch eich gwybodaeth a'ch arbenigedd i helpu i ddatrys problemau, gan gefnogi eich cydweithwyr, y Gyfarwyddiaeth a Phenaethiaid Busnes yn ôl yr angen.

Gofynion y Gymraeg

• Hanfodol: Lefel A1 - Lefel mynediad (yn gallu defnyddio ac yn deall frawddegau syml, sylfaenol a groeso, ddim Cymraeg sgwrsio)​  

Noder: Os nad ydych yn bodloni’r gofynion A1, h.y. y gallu i ddeall brawddegau sylfaenol ac ynganu enwau Cymraeg yn gywir, mae CNC yn cynnig amrywiaeth o ddewisiadau dysgu a chymorth staff i’ch helpu i fodloni’r gofynion sylfaenol hyn yn ystod eich cyflogaeth gyda ni.

Buddion

Bydd y rôl hon yn cynnig amrywiaeth o fanteision, gan gynnwys:

• cynllun Pensiwn y Gwasanaeth Sifil sy’n cynnig cyfraniadau o 28.97% gan y cyflogwr (bydd staff mewnol llwyddiannus yn aros yn eu cynllun pensiwn presennol)
• 28 diwrnod o wyliau blynyddol, yn codi i 33 diwrnod
• absenoldebau hael ar gyfer eich holl anghenion mewn bywyd
• ymrwymiad i ddatblygiad proffesiynol
• manteision a chymorth o ran iechyd a lles
• awr les wythnosol y gallwch ddewis pryd i’w defnyddio

Gweler y manylion llawn ar gyfer yr holl fuddion y byddwch yn eu cael fel gweithiwr.

Daliwch ati i ddarllen

Os ydych yn meddwl bod gennych yr hyn sydd ei angen i gyflawni'r rôl hon, ond nad ydych o reidrwydd yn bodloni pob pwynt yn y swydd-ddisgrifiad, mae croeso i chi gysylltu â ni o hyd a byddwn yn hapus i drafod y rôl yn fwy manwl gyda chi.

Rydym yn angerddol am greu gweithlu creadigol ac amrywiol ac yn annog ceisiadau gan gymunedau heb gynrychiolaeth ddigonol. Rydym yn croesawu ansawdd cyfleoedd heb ystyried anabledd, niwrowahaniaeth, tarddiad ethnig, lliw, cenedligrwydd, mynegiant rhyw a hunaniaeth rhywedd, statws priodasol, cyfeiriadedd rhywiol, diwylliant neu grefydd.   Mae egwyddorion hawliau dynol, cydraddoldeb, tegwch, urddas a pharch wrth wraidd ein gwerthoedd.

Rydym wedi ymrwymo i gyfle cyfartal, ac rydym yn gwarantu cyfweliadau ar gyfer ymgeiswyr ag anableddau sy'n bodloni'r meini prawf gofynnol.

Rydym yn dymuno denu a chadw staff talentog a medrus, felly rydym yn sicrhau bod ein graddfeydd cyflog yn aros yn gystadleuol. Nodir graddfeydd cyflog ar ddisgrifiadau swydd wrth hysbysebu. Mae’r bobl a benodir yn cychwyn ar bwynt cyntaf y raddfa, gyda chynnydd gam wrth gam bob blwyddyn.

Rydym am i'n staff ddatblygu'n broffesiynol ac yn bersonol. O ddatblygu eu sgiliau arweinyddiaeth i gael mynediad i gyrsiau addysg bellach ac uwch, mae ein staff yn cael cyfleoedd i ehangu eu gwybodaeth mewn amrywiaeth o bynciau, cynnal eu gwybodaeth o’r datblygiadau diweddaraf yn eu maes a pharhau i ddysgu wrth i'w gyrfa ddatblygu.  

Rydym yn sefydliad dwyieithog sy’n cydymffurfio â Safonau’r Iaith Gymraeg ac sydd wedi ymrwymo i gyfle cyfartal.  Ystyrir sgiliau Cymraeg yn ased i’r sefydliad, ac rydym yn annog ac yn cefnogi staff i ddysgu, datblygu a defnyddio eu sgiliau Cymraeg yn y gweithle. Mae croeso i chi wneud cais am unrhyw swydd wag yn Gymraeg neu Saesneg a bydd unrhyw gais a gyflwynir yn cael ei drin yn gyfartal.

Gwnewch gais am y rôl hon