Sut i baratoi eich cais am grant

Beth sydd angen i chi ei wneud i baratoi eich cais am grant. 

Mynnwch gyfeirnod

Gwiriwch fod gennych gyfeirnod ar gyfer y grant rydych am wneud cais amdano. Bydd angen hwn arnoch i gychwyn y cais.

Amdanoch chi

Byddwn yn gofyn i chi am y canlynol:

• eich enw a’ch cyfeiriad a manylion y sefydliad
• rhif elusen, rhif TAW neu rif cofrestru cwmni, yn dibynnu ar ba fath o ymgeisydd ydych chi
• manylion gwefan a chyfryngau cymdeithasol
• enwau llofnodwyr awdurdodedig eich sefydliad – mae angen dau arnoch
• cadarnhad o gofrestriad TAW
  
  

Am eich cynnig

Paratowch ymatebion i'r canlynol:

• Teitl eich prosiect
• Cyfanswm costau’r prosiect
• Y swm yr ydych yn gofyn amdano gennym ni
• Dyddiad dechrau a gorffen eich prosiect
• Crynodeb o'ch prosiect (uchafswm o 100 gair)
• Beth fydd eich prosiect yn ei wneud a pham (uchafswm o 250 gair)
• Beth yw’r angen a’r galw (uchafswm o 250 gair)
• Pam eich bod chi mewn sefyllfa dda i arwain y prosiect (uchafswm o 100 gair)
• Pwy fydd yn cymryd rhan yn y prosiect (uchafswm o 100 gair)
• Sut bydd unrhyw gydweithrediad yn cryfhau’r prosiect (uchafswm o 100 gair)
• Ble bydd y prosiect yn gweithredu – gallwch lanlwytho map
• Manylion unrhyw ganiatadau neu gydsyniadau sydd eu hangen ar eich prosiect (uchafswm o 250 gair)
• Pa dystiolaeth a ddefnyddiwyd gennych i ddatblygu a dylunio eich prosiect (uchafswm o 500 gair)
• Pam rydych chi’n meddwl bod y prosiect yn cynrychioli gwerth da am arian (uchafswm o 250 gair)
• Pan ddaw eich prosiect i ben, sut bydd y canlyniadau’n cael eu cynnal a sut y byddwch yn ariannu unrhyw gostau parhaus (uchafswm o 250 gair)
• Beth fydd yn digwydd os na chewch gyllid ar gyfer y prosiect hwn (uchafswm o 250 gair)
• Sut byddwch chi'n rheoli'r prosiect, a oes gennych chi reolwr prosiect, a sut mae'ch bwrdd prosiect neu'ch grwpiau'n gweithio (uchafswm o 250 gair)
• Disgrifiwch y prif risgiau a sut rydych yn bwriadu eu rheoli nhw (uchafswm o 250 gair)
• Sut y byddwch chi’n rhoi cyhoeddusrwydd i'ch prosiect (uchafswm o 250 gair)
• A oes gennych unrhyw bartneriaid cyflawni ffurfiol a beth yw eu rôl o fewn y prosiect
• Sut mae pobl o gefndiroedd amrywiol ac o bob gallu yn cael y cyfle i gymryd rhan yn eich prosiect (uchafswm o 250 gair)
• Sut byddai eich prosiect yn hyrwyddo defnydd o’r Gymraeg ac yn annog arfer dwyieithog da (uchafswm o 250 gair)
• A ydych chi wedi derbyn unrhyw gyllid gan gorff cyhoeddus y gellir ei ddisgrifio fel rheolaeth cymhorthdal (cymorth gwladwriaethol yn flaenorol) yn ystod y tair blynedd diwethaf
• Manylion unrhyw gyllid arall ar gyfer gweithgareddau a gwmpesir gan y prosiect arfaethedig hwn
• Manylion am unrhyw ffynonellau cyllid eraill yr ydych wedi gwneud cais amdanynt neu wedi cael ar gyfer y prosiect hwn
  
  

Dogfennau i'w paratoi

Byddwn yn gofyn i chi lanlwytho'r canlynol:

• Eich cynllun prosiect wedi'i gwblhau a dadansoddiad o gostau'r prosiect gan ddefnyddio ein templed
• Os ydych yn gwneud cais fel unigolyn, bydd angen eich cyfriflenni banc am y tri mis diwethaf arnom a chopi ardystiedig o’ch pasbort neu eich trwydded yrru
• Os ydych yn gwneud cais fel sefydliad trydydd sector, bydd angen i chi lanlwytho eich dogfennau llywodraethu
• Os ydych yn sefydliad sydd newydd ei ffurfio o lai na chwe mis oed ac nad oes gennych set o gyfrifon, bydd angen naill ai cyfriflenni banc a chysoniad banc am y tri mis diwethaf arnom, neu lythyr gan eich banc yn cadarnhau eich bod wedi agor cyfrif
• Os oes gennych gyfrifon micro-gwmni neu os yw eich cyfrifon statudol yn fwy na chwe mis oed, bydd angen eich cyfrifon rheoli arnom
• Os oes gennych chi bartneriaid cyflawni ffurfiol, rhaid i chi lanlwytho copi o unrhyw gytundeb sydd wedi'i lofnodi gyda nhw
• Polisi caffael, os oes gennych chi un
• Eich polisi cydraddoldeb ac amrywiaeth, os oes gennych chi un
• Eich datganiad rheoli cymhorthdal, os yw'n berthnasol i chi