Cyfrifoldebau rheoleiddio
Cyfoeth Naturiol Cymru yw'r awdurdod rheoleiddio yng Nghymru ar gyfer amrywiaeth eang o ddeddfwriaeth amgylcheddol
Gadawodd y DU yr UE ar 31 Ionawr 2020 a bellach mae mewn cyfnod pontio tan 31 Rhagfyr 2020. Mae’r rhwymedigaethau cyfreithiol ynghylch cydymffurfio â thrwyddedau a deddfwriaeth amgylcheddol yn parhau.
Bydd CNC yn parhau i roi a rheoleiddio pob trwydded yn unol â’n harferion presennol. Os oes gennych unrhyw gwestiynau am eich trwyddedau a/neu reoli safle, cysylltwch â’n Canolfan Gofal Cwsmeriaid drwy ffonio 03000 653 000.
Rydym yn gyfrifol am fwy na 40 o fathau gwahanol o gyfundrefnau rheoleiddio ar draws amrywiaeth eang o weithgareddau.
Ymhlith yr enghreifftiau mae:
- diwydiannau mawr (purfeydd, cemegion, sment, gorsafoedd ynni, haearn a dur, bwyd a diod ac ati)
- diwydiant gwastraff (storio, trin, gwaredu)
- Safleoedd o Ddiddordeb Gwyddonol Arbennig - caniatadau a chydsyniadau
- sylweddau ymbelydrol (niwclear ac fel arall)
- trwyddedu rhywogaethau a warchodir gan Ewrop
- trwyddedu morol
- trwyddedu cwympo coed
- gollyngiadau dŵr (dŵr wyneb a dŵr daear)
- adnoddau dŵr (tynnu, cronni, sychder)
- rheoliadau deunydd pacio a chynlluniau masnachu'r UE/DU
- pysgodfeydd masnachol (llyswennod, eogiaid a physgod cregyn)
- Deddf Cefn Gwlad a Hawliau Tramwy - cyfyngiadau ar fynediad, tir mynediad agored
Rydym yn cyflwyno trwyddedau, yn cynnal asesiadau o gydymffurfiaeth a, lle bo angen, yn cymryd camau gorfodi ffurfiol ar gyfer y rhan fwyaf o'r gweithgareddau hyn. Rydym hefyd yn rheoleiddio rhai gweithgareddau lle mae'r gofynion wedi'u cynnwys mewn deddfwriaeth yn hytrach nag mewn trwyddedau safle benodol; er enghraifft, y system dyletswydd gofal o ran gwastraff.