Swyddog Coetir Rheoliadol

Dyddiad cau: 3 Ebrill 2023 | Cyflog: £32,876-£36,229 (Grade 5) | Lleoliad: Hyblyg yng Ngogledd Ddwyrain Cymru

Math o gontract: Parhaol

Patrwm gwaith: 37 awr yr wythnos, llawn amser

Rhif swydd: 200614

Fel sefydliad, rydym yn cefnogi gweithio hyblyg. Mae'r rôl hon yn caniatáu gweithio hybrid (cymysgedd o weithio gartref a swyddfa) a gellir trafod patrwm gwaith sy'n addas i chi ar ôl i chi gael eich penodi os ydych yn llwyddiannus gyda'r rôl hon.

Byddwch yn cael eich contractio i swyddfa CNC o fewn y lle, a bydd gofyn i chi fynd yno ar gyfer cyfarfodydd rheolaidd, hyfforddiant ac ar gyfer cyfarfodydd un i un gyda'ch rheolwr. Bydd y rhain yn cael eu cynllunio ymlaen llaw.

Disgrifiad o’r swydd

Fel Swyddog Coetiroedd Rheoliadol, byddwch yn helpu i gyflawni ein rôl wrth sicrhau cydymffurfiaeth reoleiddiol mewn coedwigoedd ac ymateb i ddigwyddiadau ledled Gogledd Ddwyrain Cymru.

Fel tîm, rydym yn gweithredu dros Gymru gyfan, gyda swyddogion unigol yn gofalu am eu hardal eu hunain. Rydym yn chwilio am swyddog a all gyfrannu at gyflawni ein gwaith rheoleiddio gyda'r sector coedwigaeth, busnesau ac unigolion. Byddwch yn gweithio yn y swyddfa / cartref yn bennaf (i'w drafod ar ôl penodi), ond bydd cyfleoedd rheolaidd ar gyfer gwaith maes, a byddwch yn gweithio gydag ystod eang o gwsmeriaid mewnol ac allanol.

Bydd gennych rôl fawr i'w chwarae wrth ymateb i achosion honedig o gwympo anghyfreithlon, rhoi cyngor i lywio canlyniad ceisiadau am drwyddedau cwympo coed, sgriniau AEA a cheisiadau eraill am ganiatadau perthnasol yn yr ardal sy’n ymwneud â choedwigaeth a choed. Bydd angen i chi ymateb i ddigwyddiadau mewn modd amserol a diogel a chymryd camau gorfodi priodol pan fo angen. Mae'r meysydd gwaith hyn yn debygol o ddominyddu eich llwyth gwaith ond efallai y gelwir arnoch i gyfrannu at feysydd eraill o fewn cylch gwaith y timau Rheoleiddio Coedwigoedd ac Iechyd Coed.

Mae dycnwch, dyfalbarhad, a'r gallu i feithrin perthnasoedd gwaith da i gyd yn sgiliau y mae ein Swyddogion Coetiroedd Rheoleiddiol llwyddiannus yn eu harddangos.

Dros amser byddwch yn datblygu eich sgiliau o ran gallu rhoi cyngor technegol i rhanddeiliaid mewnol ac allanol, a'ch gallu i gynnal ymchwiliadau a chamau gorfodi dilynol o ganlyniad i weithgarwch cwympo coed anghyfreithlon.

Rydym yn chwilio am swyddog brwdfrydig a phroffesiynol sy'n gallu gweithio'n gyflym, yn aml yn ôl terfynau amser tynn ac sy'n gallu blaenoriaethu ei lwyth gwaith yn effeithiol er mwyn cyflawni mwy dros yr amgylchedd.

Cyfrifoldebau

Mae eich cyfrifoldebau’n cynnwys:

Asesu cydymffurfiaeth â'r ddeddfwriaeth berthnasol
Cymryd camau gweithredu priodol i gasglu tystiolaeth at ddibenion gorfodi, yn unol â gweithdrefnau diffiniedig.
Cynhyrchu gweithdrefnau a dogfennau perthnasol.
Cyhoeddi Hysbysiadau Statudol yn unol â pholisi’r llywodraeth ac egwyddorion rheoliadol

Cymwysterau, profiad a gwybodaeth

Gwybodaeth a phrofiad o’r canlynol:

Gwybodaeth a phrofiad o'r sector coedwigaeth.
Dealltwriaeth dda o brosesau a phwysau busnes masnachol.
Y gallu i gyfathrebu'n effeithiol â busnesau a reoleiddir a'r cyhoedd, gan esbonio materion ac ennill cefnogaeth drwy ddylanwadu.
Gwybodaeth a phrofiad helaeth o brosesau rheoleiddiol a gorfodi.

Gofynion y Gymraeg

Hanfodol: Lefel 1 – Yn gallu ynganu geiriau Cymraeg a defnyddio ymadroddoin syml

Dymunol: Lefel 3 – Gallu defnyddio Cymraeg mewn rhai sefyllfaoedd Gwaith

Noder: Os nad ydych yn bodloni’r gofynion lefel 1, hynny yw, y gallu i ddeall brawddegau sylfaenol ac ynganu enwau Cymraeg yn gywir, mae CNC yn cynnig amrywiaeth o ddewisiadau dysgu a chymorth staff i’ch helpu i fodloni’r gofynion sylfaenol hyn yn ystod eich cyflogaeth gyda ni.

Cymwyseddau

Bydd ceisiadau i'r rôl hon yn cael eu hasesu ar sail y cymwyseddau canlynol, ar y rhestr fer a'r cyfweliad. Rhowch enghreifftiau o sut rydych yn dangos y cymwyseddau hyn wrth lenwi'ch ffurflen gais.

Gwybodaeth a Sgiliau Hanfodol	Arbenigedd amlwg mewn maes neu swyddogaeth ddiffiniedig, sy'n galluogi deiliad y swydd i ddarparu cyngor ac arweiniad i eraill. Yn dangos dealltwriaeth a gwerthfawrogiad cadarn o waith y swyddogaeth ehangach. Sgiliau da o ran llythrennedd, rhifedd a chyfathrebu, gan gynnwys sgiliau datblygedig wrth ddod wyneb yn wyneb â chwsmeriaid. Mae profiad o oruchwylio eraill yn ddymunol.
Gwerthuso Gwybodaeth	Yn dangos y gallu i ddeall gwybodaeth, llawlyfrau gweithdrefnau, codau statudol a deddfwriaeth a dehongli a chymhwyso'r gofynion i gyflawni ei rôl. Y gallu i ddadansoddi a phrosesu gwybodaeth dechnegol anarferol sy'n cynnwys rhywfaint o gymhlethdod.
Gofynion Gwneud Penderfyniadau ac Ymreolaeth	Y gallu i benderfynu ar y ffordd orau o sicrhau canlyniadau, sy'n gofyn am rywfaint o farn a chreadigrwydd a'r angen i newid blaenoriaethau lle mae gofynion sy'n gwrthdaro. Y gallu i ddatrys problemau a gwneud penderfyniadau o natur dechnegol, yn bennaf o gwmpas ei faes gwaith ei hun ond bydd hefyd yn gorgyffwrdd â gwaith eraill. Gall problemau a phenderfyniadau gynnwys rhywfaint o gymhlethdod a gofyn am yr angen i gymhwyso gwahanol dechnegau neu ddulliau. Y gallu i gynnal ymchwil i benderfynu ar y ffordd orau o ddatrys problemau. Y gallu i ddarparu arweiniad i aelodau llai profiadol er mwyn datrys problemau.
Effaith	Mae'r gwaith a wneir yn gyffredinol o fewn ardal arwahanol felly bydd yn effeithio'n bennaf ar yr amgylchedd uniongyrchol, ond gall hefyd ymestyn ar draws meysydd pwnc a gwaith eraill. Efallai y bydd gan agweddau o'r gwaith y potensial, os cânt eu gwneud yn anghywir, i effeithio ar drydydd partïon ac ardal ehangach.
Cyfathrebu a Chydberthnasau ag Eraill	Yn dangos y gallu i ryngweithio a chyfathrebu â phobl o amgylch ei faes arbenigedd, ar draws ystod o swyddogaethau o fewn Cyfoeth Naturiol Cymru a phartïon allanol, gan addasu ei ddull a'i arddull yn briodol. Sgiliau rhyngbersonol a chyfathrebu sefydledig gyda'r gallu i ddatblygu a chynnal cydberthnasau gwaith da, a allai gynnwys rhywfaint o ddylanwadu.

Manteision gweithio i ni

Bydd y rôl hon yn cynnig amrywiaeth o fanteision, gan gynnwys:

Gweithio ystwyth a hyblyg (yn dibynnu ar y rôl)
Cynllun Pensiwn y Gwasanaeth Sifil sy’n cynnig cyfraniadau o 26.6% i 30.3% gan y cyflogwr
28 diwrnod o wyliau blynyddol, yn codi i 33 diwrnod
Absenoldebau hael ar gyfer eich holl anghenion mewn bywyd
Manteision a chymorth o ran iechyd a lles
Awr les wythnosol i’w defnyddio pryd bynnag rydych chi eisiau

Gweler y manylion llawn ar gyfer yr holl fuddion y byddwch yn eu cael fel gweithiwr.

Sut i wneud cais

Anfonwch ffurflenni cais wedi’u cwblhau at Ceisiadau@cyfoethnaturiolcymru.gov.uk

Cyn cwblhau eich cais, darllenwch ein Canllawiau ar gwblhau ffurflen gais ar gyfer swydd

Dyddiad cau i wneud cais: 3 Ebrill 2023

Bydd cyfweliadau’n cael eu cynnal drwy Microsoft Teams

Os oes gennych unrhyw gwestiynau am y swydd, cysylltwch â Callum Stone ar callum.stone@cyfoethnaturiolcymru.gov.uk neu 07787 196475

Mae Cyfoeth Naturiol Cymru’n frwdfrydig dros amrywiaeth ac yn hyrwyddo cyfle cyfartal. Rydym yn recriwtio yn ôl teilyngdod ar sail cystadleuaeth deg ac agored.

Rydym yn croesawu ac yn annog ceisiadau gan grwpiau sy'n cael eu tangynrychioli ar hyn o bryd, gan gynnwys menywod, grwpiau pobl dduon a lleiafrifoedd ethnig a phobl ag anabledd. Mae gennym gynllun gwarantu cyfweliad ar gyfer ymgeiswyr ag anableddau sy'n bodloni'r meini prawf dethol gofynnol.

Mae egwyddorion hawliau dynol, cydraddoldeb, tegwch, urddas a pharch wrth wraidd ein gwerthoedd.

Diweddarwyd ddiwethaf